Жыйында депутаттар өткөн жылы жасалган иштер боюнча отчетту талкуулап, Азербайжанда жана Грузияда кыргызстандыктардын укуктарын коргоонун маанилүүлүгүн белгилешти. Алар ошондой эле өлкөлөр ортосунда саясий, соода-экономикалык жана маданий-гуманитардык байланыштарды кеңейтүүнүн зарылдыгын билдиришти.
Максат Мамытканов Бишкек менен Бакунун Азербайжан-Кыргыз өнүктүрүү фондунун ишин активдештирүү процессинде экенин белгиледи.
Мындан тышкары, депутат Чолпон Эсенаманова жүк ташуучу унаалардын айдоочуларынын Азербайжан аркылуу транзит учурунда негизсиз дооматтарга кабылышы тууралуу маселени көтөрүп, элчини бул маселеге көңүл бурууга чакырды.
Талкуунун жыйынтыгында элчи тарабынан берилген маалымат кабыл алынды.
