Жыйында Азия өнүктүрүү банкынын «Азия-Тынч океан аймагындагы өлкөлөрдүн табигый кырсыктардан кийинки туруктуу калыбына келүүсүнө даярдыгын жогорулатуу» максатында техникалык жардам берүү боюнча регионалдык долбоор расмий түрдө башталды. Бул долбоор табигый кырсыктарга даярдык боюнча Азия борбору жана БУУнун табигый кырсыктарды азайтуу башкармалыгынын жардамы менен ишке ашырылууда.
Долбоордун алкагында Бангладеш, Кыргызстан, Монголия жана Тимор-Лесте сыяктуу бир нече өлкөлөрдү камтуу пландалууда. Переговорлор учурунда техникалык жардамдын негизги максаттары жана милдеттери, анын ичинде ЧКдан кийинки калыбына келүүгө даярдык, ведомстволор аралык координация, милдеттерди бөлүштүрүү, ошондой эле эл аралык стандарттарга ылайык улуттук потенциалды күчөтүү боюнча кийинки кадамдар талкууланды.
Бишкекте 28–29-январда табигый кырсыктардан кийинки туруктуу калыбына келүүгө Кыргызстанды даярдоого арналган орнотуу семинары өтүүдө. Иш-чарага долбоордун профилдүү мамлекеттик органдары жана эл аралык өнөктөштөр катышууда.
