2025-жылы Ош облусунда 16 жаңы мектеп ачылды. Алардын бири Жылалды айылындагы ачылыш аземине өкмөт башчысы Адылбек Касымалиев катышты.
Касымалиев өз сөзүндө билимдүү эл ар бир мамлекеттин негизги байлыгы экендигине көңүл бурду. Ал: «Заманауи дүйнө күч менен эмес, билим менен башкарылат. Сиздер билгендей, биздин президент Садыр Нургожоевич Жапаров жүргүзүп жаткан саясаттын негизги багыттарынан бири билим берүүнүн шарттарын жакшыртуу жана билимдин сапатын жогорулатуу. Республикада мамлекет тарабынан балдарга чоң көңүл бурулууда, бул көптөгөн заманбап билим берүү мекемелеринин курулушу жана эксплуатацияга берилиши менен көрүнүп турат», - деп кошумчалады.
