Шумкар-Уя айыл өкмөтүнөн маалымдагандай, эки кабаттуу имарат толугу менен жергиликтүү бюджеттин эсебинен курулган; курулуштун жалпы баасы 72 миллион сомду түздү. Балдар үчүн заманбап, коопсуз жана ыңгайлуу шарттар түзүлгөн. Мындан тышкары, мекеменин ачылышы 27 жергиликтүү тургунга жумуш орундарын камсыз кылды.
Торжестволук ачылыш аземине айыл өкмөтүнүн башчысы Бакыт Кыдыралиев;, айылдык кеңештин төрагасы Алтынбек Борукеев, Талас районунун акими Байышбек Астанакулов, Талас райондук билим берүү бөлүмүнүн башчысы Турдубек Момоконов, жергиликтүү кеңештин депутаттары жана айылдын тургундары катышты.
Саз-Булак айылындагы мурдагы балдар бакчасы жер титирөөдөн кийин жараксыз болуп калган жана 1992-жылдан бери пайдаланылган эмес. Көп жылдар бою ата-энелер балдарын коңшу айылдарга алып барууга мажбур болушкан.
Июнь айында Кенеш айылында 75 орунга эсептелген балдар бакчасынын ачылышы күтүлүүдө. Март айында Чон-Токой айылында балдар бакчасынын курулушу башталат. Бул объектилер да жергиликтүү бюджеттен каржыланат.
