Бул тапшырманы аткаруу үчүн Курулуш министрлигинин алдындагы Сейсмостойку курулуш жана инженердик долбоорлоо мамлекеттик институту жетекчилик кылган атайын аралык комиссия түзүлдү. Комиссиянын курамына Билим берүү министрлигинин, Төтөнчө кырдаалдар министрлигинин жана жергиликтүү өз алдынча башкаруу органдарынын өкүлдөрү кирди.
Учурда текшерүүлөр Ош облусунда жүргүзүлүүдө. Комиссиянын мүчөлөрү абалы канааттандырарлык эмес мектептерди сырттан текшерип, алардын курулуш нормаларына жана коопсуздук стандарттарына ылайыктыгын талдайт.
Текшерүүлөрдүн жыйынтыгы боюнча ар бир объект боюнча корутунду даярдалат, анын негизинде тиешелүү чечимдер кабыл алынып, зарыл чаралар аныкталат.
Курулуш министрлигинде бул иш-чаралар жарандардын коопсуздугун камсыз кылууга, билим берүү объектилеринин ишенимдүүлүгүн арттырууга жана социалдык инфраструктураны системалуу жакшыртууга багытталгандыгын белгилешти.
