Курулуш министрлигинин маалымат кызматынын маалыматына ылайык, бул жерде 750 окуучуну кабыл алууга мүмкүнчүлүк берген жаңы мектеп куруу пландалууда.
Курулуш республикалык бюджеттин каражаттарынын эсебинен жүргүзүлөт. Жаңы окуу жайы 10 600 чарчы метр жерди ээлейт. Беш блоктон турган үч жана төрт кабаттуу имарат куруу пландалууда.
Жаңы мектептин курамында окуу класстары, китепкана, компьютердик кабинеттер, устаканалар, ашкана, акт залы жана спорт комплекси болот.
Проекттин жалпы подрядчысы болуп курулуш министрлигинин алдындагы мамлекеттик «Кыргызкурулуш» ишканасы дайындалды.
