Депутат «Кыргыз Республикасынын Эл мугалими» деген ардактуу наамды киргизүүнү сунуштады, аны биринчи категориядагы наамдардын тизмесине киргизүү менен.
Бирок, Кабмин сунушталган демилгедеги бир нече кемчиликтерди көрсөттү. Биринчиден, «Эл артисти», «Эл жазуучусу», «Эл акыны» жана «Эл сүрөтчүсү» сыяктуу биринчи категориядагы наамдар жалпы улуттук мааниге ээ чыгармачылык ишмердүүлүк үчүн гана ыйгарылат. Билим берүү, саламаттыкты сактоо жана башка тармактардагы кесиптер салттуу түрдө экинчи категориядагы наамдарды алышат. Учурда билим берүү тармагында «Ардактуу мугалим» жана «Ардактуу билим берүү кызматкери» наамдары бар.
Экинчиден, мыйзам долбоорунда жаңы наамды ыйгаруу үчүн так критерийлер жок жана «Ардактуу мугалим» наамынан айырмачылыктар көрсөтүлгөн эмес. Үчүнчөдөн, документтерде финансылык-экономикалык эсептөөлөр жана каржылоонун маалыматтары жок, бул мыйзам долбоорлорун киргизүү үчүн зарыл шарт болуп саналат.
Мындан тышкары, Кабмин учурда Жогорку Кеңеш мамлекеттик сыйлыктар жана ардактуу наамдар боюнча жаңы редакциядагы мыйзамды карап жатканын эске салды, бул өзүнчө өзгөртүүнү кабыл алууну максатка ылайыксыз кылат.
