Жеке автоунаалар менен жүргүнчүлөрдү ташуу үчүн лицензия берүү 2025-жылдын 12-сентябрында башталган. Андан кийин, өкмөттүн токтомуна ылайык, лицензия алуу мөөнөтү 2026-жылдын 1-февралына чейин узартылган.
Лицензияны алдын ала алуу зарылдыгы тууралуу бир нече жолу эскертүүлөргө карабастан, 2025-жылдын декабрына карата лицензия алган айдоочулардын саны төмөн деңгээлде калды. Учурда өлкөнүн бардык региондорунда лицензия берүү процесси активдүү жүргүзүлүүдө, жана министрликтин маалыматына ылайык, 8 000ден ашык жаран жана 300 юридикалык жак лицензия алган.
Учурда такси ишмердүүлүгүн жүргүзүү үчүн лицензиялар Жол кыймылынын коопсуздугун камсыздоо башкы башкармалыгынын бардык бөлүмдөрүндө берилүүдө.
