Укук коргоо органдарынын маалыматына ылайык, 28-январда Б.Э. аттуу жаран милицияга кайрылып, 14-январда саат 13:20 чамасында белгисиз аял бир соода борборунун бутигынан 14 миң сомдук алтын шакекти уурдап, окуя болгон жерден качып кеткенин билдирген.
Мунун негизинде, Ленин районунун Ички иштер башкармалыгы КРнын Кылмыш-жаза кодексинин 205-беренеси «Уурулук» боюнча кылмыш ишин козгоду.
Жүргүзүлгөн ыкчам-издөө иш-чараларынын натыйжасында, милиция кызматкерлери шектүүнүн жеке башын аныкташты — А.Ж., 2007-жылы туулган. Учурда ал Бишкек Шаардык Ички иштер башкармалыгынын убактылуу кармоо жайында жатат.
Азыркы учурда укук коргоо органдары анын дагы үч окшош уурулукка катышы бар-жогун текшерүүдө. Тергөө уланууда.
