Маалыматка ылайык, бул фестивал инновациялык ишмердүүлүктү колдоо жана өнүктүрүүгө, ошондой эле таланттуу жаштарды аныктоо жана илгерилетүүгө багытталган. Ал Шанхай кызматташтык уюмунун өлкөлөрүнүн илимий-техникалык жана инновациялык потенциалын стимулдаштырууга арналган.
Иш-чаранын алкагында төмөнкү конкурстар каралган:
- робототехника боюнча олимпиада;
- дрондорду башкаруу боюнча олимпиада;
- стартаптар жана инновациялык идеялар боюнча конкурс.
ШОСтун катышуучу өлкөлөрүнүн 17ден 30 жашка чейинки жарандары, илим, технологиялар, санариптик чечимдер, туруктуу өнүгүү жана башка актуалдуу багыттарда өзүнүн инновациялык долбоорлорун жана иштеп чыгууларын сунуштоого даяр болгондор чакырылат.
Катышуу үчүн арыздар 2026-жылдын 20-февралына чейин төмөнкү электрондук почта дарегине кабыл алынат: [email protected].
Долбоорлорго коюлган талаптар, катышуу шарттары жана арыздын формасы тууралуу толук маалыматты бул жерден таба аласыз.
