Ош шаарында, Шакиров көчөсүндө мыйзамсыз объектилерди жоюу иштери жүрүүдө, бул тууралуу жергиликтүү мэрия расмий билдирүү жасады.
Мэрия тарабынан берилген маалыматка ылайык, Ош шаарынын мэри Женишбек Токторбаевдин буйругу менен архитектура жана курулуш башкармалыгы текшерүү жүргүзүп, нормаларга жооп бербеген курулуштарды аныктады.
«Учурда ресторандардын жана башка коммерциялык объектилердин ээлери мыйзамсыз түрдө жолдун четине чыгып кеткен имараттын бөлүктөрүн өз ыктыяры менен жоюу иштерин башташты. Аларга мурда эскертүүлөр берилген», - деп белгиленди билдирүүдө.
Бул аракеттер шаардык архитектуралык стилди сактоо, жол кыймылынын коопсуздугун камсыздоо жана мыйзамсыз курулуштарды алдын алуу максатын көздөйт. ```
