Шаардык архитектура жана курулуш башкармалыгынын маалыматына ылайык, адистер аталган көчө бойундагы бир катар ресторандар жана коммерциялык объекттерди текшеришти. Текшерүү учурунда курулуштардын белгиленген кызыл сызыктардан чыгып кеткен учурлары, ошондой эле жолго чыгып кеткен мыйзамсыз кошумча курулуштар аныкталды. Рейд өткөрүлгөн жерде зарыл болгон өлчөмдөр жүргүзүлдү.
Объекттердин ээлери аныкталган мыйзам бузуу учурларын жоюу боюнча расмий билдирүүлөрдү алышты.
Мэрия бул аракеттер шаар архитектурасынын көрүнүшүн сактоого, жөө адамдардын коопсуздугун арттырууга жана транспорттун эркин кыймылын камсыздоого багытталганын белгиледи. Мыйзамсыз курулуштарды аныктоо боюнча рейддер уланат.
