Бул эвакуаторлор Коммуналдык кызматтар жана көрктөндүрүү департаментинин карамагында болуп, 30-январдан баштап иштей баштады.
Шаардын мэри Эрнисбек Ормоков муниципалдык эвакуаторлордун ишин жеке текшерип, алардын эксплуатациясында мыйзамдардын сакталышынын маанилүүлүгүн белгиледи.
Анын айтымында, айып токтото турган жайдын ачылышы шаардагы жол кырдаалын жөнгө салууга, токтотуу эрежелеринин сакталышына жана айыптардан шаардык бюджетке түшүүлөрдү көбөйтүүгө багытталган.
«Токтотуучу эрежелерге ылайык туура эмес токтотулган унаалар айып токтото турган жайга жөнөтүлөт. Эвакуациянын баасы 1600 сомду түзөт, ал эми айып токтото турган жайда унааны сактоо үчүн ар бир саатка 21 сом алынып турат», — деп кошумчалады ал.
Муниципалдык айып токтото турган жайды түзүү үчүн 30 соток жер бөлүнгөн. Бул маселе мурда шаардык кеңештин сессиясында талкууланган. Ошондой эле эвакуаторлор лизинг аркылуу сатып алынганы жана депутаттар айып токтото турган жайды уюштурууга макулдук беришкендиги маалымдалды», - деп белгиленет расмий маалыматта.
