Бул долбоордун алкагында курулуш, архитектура жана коммуналдык кызматтар министри Нурдан Орунтаев мектептердин учурдагы долбоорлору менен таанышып чыкты.
Атап айтканда, «Кудайберген» базарынын аймагында, Садыгалиев жана Патрис Лумумба көчөлөрүнүн ортосунда 1,2 миң орунга ылайыкташкан мектептин курулушу башталды. Министр курулуш иштеринин жүрүшүн жана долбоордук документтерди текшерип, жогорку сапатта аткаруунун маанилүүлүгүнө көңүл бурду. Бул курулуш республикалык бюджеттин каражаттарынын эсебинен жүргүзүлүп, курулуш министрлиги тарабынан көзөмөлдөнөт», — деп билдирет маалымат кызматы.
