Тергөө бул чиновник чет өлкөлүк жарандарды чек арадан тоскоолдуксуз өткөрүү үчүн туруктуу акчалай сыйлыктарды делдалдар аркылуу алып турганын аныктады. Ошондой эле ал чек ара аймагында мыйзамсыз ишмердик менен алектенген айрым адамдарга коргоо көрсөтүп келген.
Учурда бул кылмышка тиешеси болушу мүмкүн болгон башка кызматкерлерди аныктоо боюнча оперативдик иш-аракеттер улантылууда. Ошол эле учурда УКМК коррупциялык коркунучтарды азайтуу жана жарандар үчүн мамлекеттик чек арадан өтүүдө жагымдуу шарттарды түзүү боюнча иш алып барууда.
