Министрлер кабинетинин орун басары Бакыт Торобаев, сапаттуу суу менен камсыз кылуу мамлекеттик саясаттын негизги милдеттеринин бири экенин белгилеп, бул элдин ден соолугуна түздөн-түз таасир этерин айтты.
Суу берүү системасын реконструкциялоо долбоорун ишке ашыруу 62 миллион 80,2 миң сомдук инвестицияларды талап кылды. Бул каражаттар төмөнкү иш-чараларга жумшалды:
- узундугу 15 километр жана 104 метр болгон суу түтүктөрүн орнотуу;
- 300 куб метр сыйымдылыктагы эки резервуарды орнотуу;
- 12 өрт гидрантын жана 600 суу өлчөгүчтү монтаждоо;
- бактерициддик установка үчүн имарат куруу;
- сырттагы электр тармактарын тартуу.
