Ош шаарында жаңы мектептин курулушу башталды, ал 100 жылдык тарыхы бар эски имараттын ордуна курулат. Бул маалыматты курулуш министрлиги билдирди.
Министрликтин маалыматы боюнча, Курманжан-Датка көчөсүндө жайгашкан М.В. Ломоносов атындагы №3 мектептин эски имараты, президент Садыр Жапаровдун көрсөтмөсүнө ылайык, бузулат.
Бул жерде 750 окуучуга ылайыкташтырылган заманбап окуу жайы курулмакчы. Проект республикалык бюджеттен каржыланат жана курулуштун аякташы 2026-жылдын аягына чейин күтүлүүдө.
1926-жылы курулган имарат бүгүнкү күндө авариялык абалда, анын бузулушу боюнча иштер башталды. ```
