Дароот-Коргон айылында социалдык мааниге ээ айыл чарба продукциясынын жарманкеси өткөрүлдү.
Бул иш-чараны уюштуруу райондук айыл чарба өнүктүрүү башкармалыгы тарабынан Чон-Алай, Кашка-Суу жана Жекенди айыл өкмөттөрү менен биргеликте, суу ресурстары, айыл чарба жана кайра иштетүү өнөр жайы министри Бакыт Торобаевдин жана Чон-Алай районунун акими М. Шамыркановдун буйругу менен ишке ашырылды.
Жарманкеде тургундар арзан жана туруктуу баада эт азыктарын, жашылчаларды, жемиштерди жана негизги тамак-аштарды сатып ала алышты.
Бул иш-чаранын негизги максаты калкты сапаттуу тамак-аш менен камсыз кылуу, баалардын туруктуулугун сактоо, ошондой эле өндүрүүчүлөр менен керектөөчүлөрдүн ортосунда түз байланыш түзүү шарттарын түзүү болду.
Министрликтен билдиришкендей, республикада азык-түлүк запастары жетиштүү деңгээлде, ички рыноктогу абал туруктуу бойдон калууда.
