Шаар башчысынын тапшырмасы боюнча, бардык социалдык тармак мекемелери "Мамлекеттик камсыздандыруу уюму" акционердик коомунда камсыздандырылган. Бул муниципалдык мүлктү коргоо, финансылык тобокелдиктерди азайтуу жана КР мыйзамдарын сактоо үчүн жасалууда. Заманбап камсыздандырылган мекемелердин катарына карыялар жана майыптар үчүн "Үмүт үйү" да кирет.
Бишкек шаардык мэриясынын басма сөз кызматынын сүрөтү.
2025-жылы Бишкекте 65 989 турак жай жана 49 308 унаа, анын ичинде 2 337 муниципалдык транспорт камсыздандырылган. Мындан тышкары, 587 муниципалдык менчик объекти толук камсыздандыруудан өттү.
Эскерте кетсек, 6-январда өзүнчө имараттагы паллиативдик бөлүмдө болгон өрттөн эки адам каза болду. 2023-жылдын апрелинен бери "Үмүт үйү" социалдык өнүктүрүү департаментинин жетекчилигинде иштеп, 18 жаштан жогорку карыяларга жана майыптарга социалдык жардам көрсөтүүдө.
