КР министрлер кабинетинин маалымат кызматынын сүрөтү. Комиссия эскерүүнү түбөлүктөштүрүү боюнча 44 демилгени колдоду
Жыйын «Ынтымак Ордо» жайында министрлер кабинетинин орун басары Эдиль Байсаловдун жетекчилигинде өттү.
Иш-чарага комиссиянын мүчөлөрү, ошондой эле ар түрдүү мамлекеттик органдардын өкүлдөрү жана президенттин аймактардагы ыйгарым укуктуу өкүлдөрүнүн орун басарлары катышты.
Жыйында сүйлөгөн Эдиль Байсалов мамлекеттин тарыхый эскерүү боюнча саясаты туруктуу болушу керектигин жана илимий негизге таянуусу зарылдыгын белгиледи.
«Эстеликтерди орнотуу жана аттарды ыйгаруу өзгөчө жоопкерчиликти жана коомдун макулдугун талап кылат», — деди ал.
Комиссия билим берүү министрлигинен, маданият министрлигинен, Бишкек мэриясынан жана президенттин аймактардагы ыйгарым укуктуу өкүлдөрүнөн келген 44 сунушту карады.
Жыйында билим берүү мекемелерине төмөнкү инсандардын аттарын ыйгаруу чечими кабыл алынды:
- Чингиз Айтматов;
- Касым Тыныстанов;
- Исхак Раззаков;
- Жусуп Абдрахманов;
- Ишеналы Арабаев;
- Түгөлбай Сыдыкбеков;
- Дайыра Асанова;
- Сооронбай Жусуев;
- Султан Ибраимов;
- Апсамат Масалиев;
- Курманжан датка;
- Алымбек датка.
Мындан тышкары, комиссия эстеликтерди орнотуу боюнча бир нече демилгени колдоду. Эскерүүнү түбөлүктөштүрүү боюнча сунуштарды систематизациялоо иши улантылат.
