Берилген маалыматтар боюнча, Евразия экономикалык биримдигинин алкагында 163 жаранга пенсия дайындалган, ал эми Россия 134 кыргызстандыкка пенсия дайындаган.
Мындан тышкары, фонд төмөнкү багыттарда активдүү иш алып барууда:
• Түштүк Корея – 136 жаран пенсиялык төлөмдөрдү алуу үчүн арыз берген, орточо сумма $3,789 түзгөн;
• Түркия – эмгек стажы боюнча маалымат алмашуу активдүү жүргүзүлүүдө (375 суроо иштелип чыккан), ошондой эле эки тараптуу келишимге ылайык биринчи пенсия дайындалган;
• Кытай – 2025-жылдын октябрынан баштап пенсиялык камсыздоо боюнча жаңы келишим күчүнө кирет;
• Казакстан – эки жолу төлөмдөрдү алдын алуу максатында маалымат алмашуу боюнча келишимге кол коюлган.
Мындан тышкары, Германия, Австрия жана Азербайжан менен Кыргызстандык мигранттардын пенсиялык укуктарын коргоо боюнча активдүү сүйлөшүүлөр улантылууда.
