Баткен аралык эмгек, социалдык камсыздоо жана миграция башкармалыгынын начальниги Алмазбек Эрмамат уулу учурда кризистик абалдагы үй-бүлөлөрдү жана балдарды аныктоо максатында үйлөрдү текшерүү иштери улантылып жатканын билдирди.
«Биз Баткен районундагы ар бир айыл өкмөтүндө жана айылдарда текшерүү жүргүзүп жатабыз. Жеринде аныкталган үй-бүлөлөрдүн жашоо деңгээлин баалайбыз. Жашы жете элек балдардын укуктарын коргоого, алардын коопсуздугуна жана керектүү социалдык жардамды көрсөтүүгө өзгөчө көңүл бурулат. Биз ошондой эле жергиликтүү бийлик менен материалдык жардам көрсөтүү боюнча сүйлөшүүлөрдү жүргүзүп жатабыз», - деп кошумчалады ал.
