Шаардык кеңештен билдиришкендей, Борончиев көчөсүндөгү скверди жаңылоо иштерин «ККП» муниципалдык ишканасы жүргүзүүдө. Бул иштердин алкагында 35 жылдан ашык убакыттан бери турган тополдорду жоюу пландалууда. Аталган дарактар алсыз абалда болуп, жөө адамдарга жана транспортко жогору турган кулап кетүү коркунучунан улам кооптуу болуп эсептелет.
Кыюлган дарактардын ордуна жаңы эс алуу зонасы түзүлөт, анын ичинде:
- жаңы декоративдик жана туруктуу дарактарды отургузуу;
- эс алуу үчүн отургучтарды орнотуу;
- заманбап көчө жарыгын орнотуу;
- скверди көрктөндүрүү жана тазалоо.
