Чыгыштагы кырдаалдын начарлашынын жыйынтыгында Кыргызстанда жарандарды кайтаруу үчүн убактылуу аралык штаб түзүлдү. Бул тууралуу Кыргызстан мусулмандар дин башкармалыгынын умра бөлүмүнөн маалым болду.
Уюм тарабынан берилген маалыматка ылайык, Чыгышта кырдаал кыйла начарлап, ыйык умра зыяратын өткөрүү үчүн авиарейстер токтотулду. Бул форс-мажордук жагдайларды жаратты.
Жогоруда айтылганга байланыштуу, ДУМКнын умра бөлүмү учурда Мекке жана Мединада кичи умра жасоого барган жарандарга кайрылды.
«Сиздерден түшүнүү жана сабырдуулук көрсөтүүнү, туристтик компаниялардын жана умра топторунун координаторлорунун көрсөтмөлөрүнө баш ийүүнү, паникадан качууну жана рейстердин калыбына келүүсүн үмүттөнүүнү суранабыз. Бул убакта дүйнөдө тынчтык, умма биримдиги жана өлкөбүздүн гүлдөп-өсүшү үчүн дуба кылууга чакырабыз», - деп айтылат билдирүүдө.Мындан тышкары, умрага барууну пландаштырган адамдардан жаңылыктарды тыкыр көзөмөлдөп, региондогу кырдаал стабилдешкенге чейин пландарын токтотуусун суранышат.
