Бүгүн Кыргызстандын энергетика министри Таалайбек Ибраев Blue Networks компаниясынын башкы директору Но Сун Ён менен жолугушту.
Министрликтин маалыматына ылайык, учурдагы маселелер жана электр заряддоо станциялары боюнча кызматташуу келечеги талкууланды.
Компания быйыл июль айына чейин өлкө боюнча 300 электр заряддоо станциясын орнотууну пландап жатат. Ал эми Кореяда 3500 мындай станция иштеп жатат.
Энергетика министрлиги бул долбоорлордун жашыл экономикасын өнүктүрүү, инвесторлордун кызыгуусун арттыруу жана Кыргызстан менен Түштүк Кореянын ортосундагы өнөктөштүктү бекемдөө үчүн маанилүүлүгүн белгиледи.
Маалымат үчүн
Blue Networks Co., Ltd. менен кызматташтык 2024-жылы башталган. Ошол жылдын августунда «Чакан ГЭС» акционердик коомунун жана компаниянын электр заряддоо станциялары боюнча биргелешип иштөө жөнүндө өз ара түшүнүшүү меморандуму кол коюлган.
