Переговорлордун жүрүшүндө Кыргызстанда электр заряддоо инфраструктурасын өнүктүрүү жана инновациялык энергетикалык чечимдерди киргизүү мүмкүнчүлүктөрү талкууланды. Айрыкча, 2026-жылдын июль айына чейин компания 300 электр унаалары үчүн заряддоо станцияларын орнотууну пландап жаткандыгы белгиленди.
Blue Networks өкүлдөрү ошондой эле Түштүк Кореяда 3,5 миң заряддоо станциясы иштеп жатканын, бул алардын тажрыйбасы жана технологиялык компетенциясын тастыктаарын белгилешти.
Тараптар кызматташууну кеңейтүүгө даярдыктарын билдиришти, анын ичинде күн энергия станцияларын куруу жана жаңылануучу энергия булактарын өнүктүрүү долбоорлору.
Секторду санариптештирүү маселелери да талкууланды. Компания заряддоо инфраструктурасын башкаруу үчүн иштелип чыккан программалык камсыздоону сунуштады. Переговорлордун жыйынтыгында Кыргызстандын Энергетика министрлигине мониторинг жүргүзүү жана системаны эффективдүү башкаруу үчүн кирүү ачкычтары жана логиндерди берүү боюнча макулдашууга жетишилди.
Энергетика министрлиги бул долбоорлордун жашыл экономикасын бекемдөөгө, инвестициялык тартымдылыкты жогорулатууга жана кыргыз-корей өнөктөштүгүн өнүктүрүүгө маанилүүлүгүн белгиледи.
Маалымат
Blue Networks Co., Ltd. менен кызматташтык 2024-жылдан башталган. 2024-жылдын августунда «Чакан ГЭС» акционердик коомунун жана компаниянын ортосунда заряддоо станцияларын биргелешип даярдоо жана пайдалануусу боюнча өз ара түшүнүшүү меморандуму түзүлгөн.
2025-жылы тараптар Кыргызстанда заряддоо станцияларын чогултуу жана орнотуу боюнча өндүрүш ишканасын түзүү боюнча негизги келишимге кол коюшту.
Бул келишимдердин натыйжасында «Рево Кей Джи» ЖЧКсы түзүлдү, ал эми заряддоо станцияларын чогултуу заводу 2026-жылдын апрель айында ишке киргизилери пландалууда.
