«Манас» аталышындагы стеланын жанында өткөн салтанаттуу иш-чарада облустун башчысы Тилек Текебаев, шаар мэри жана жергиликтүү мекемелер менен ишканалардын өкүлдөрү катышты.
Куттуктоолорунда жетекчилер жашоочуларга мамлекеттик желектин кабыл алынганына 34 жыл толгонун жана ак калпак күнү тууралуу эскертишти. Алар желек элдин бай тарыхый мурасын жана көчмөн маданиятын символдойт, ошондой эле мамлекеттүүлүктүн негизги символу болуп, өлкөнү эл аралык аренада көрсөтөт деп белгилешти.
- Кыргызстандын мамлекеттик желеги 1992-жылдын 3-мартында парламенттин чечими менен көз карандысыздык алгандан кийин расмий түрдө бекитилген.
- Желекке өзгөртүүлөрдү киргизүү боюнча мыйзам долбоорун президент Садыр Жапаров 2023-жылдын 22-декабрында кол койду.
