Turmush агенттигинин кабарчысы тарабынан алынган маалыматка ылайык, мурунку фасад толугу менен жаңыланган жана чатырда күн батареялары орнотулган. Учурда иштер төрт кабатта токтотулган: коридорлордо дубалдарга рейкалар бекитилген, ал эми кээ бир жерлерде дагы кичинекей курулуш материалдары калды.
// Turmush
2025-жылдын 5-ноябрында Ош мэриясы имараттын эскиздик долбоорун жарыялап, капиталдык оңдоо жүргүзүлөрү тууралуу маалымдады.
Иштердин кайра башталышы тууралуу суроого мэриянын басма сөз кызматы: «Маалымат кийинчерээк берилет» деп жооп берди.
2025-жылы имарат мамлекеттик мүлк фондунун балансынан Ош мэриясынын балансына өткөрүлдү.
Оңдоо үчүн бөлүнгөн так сумма ачыкка чыгарылган жок. Бирок расмий эмес булактарга ылайык, каржылоо суммасы болжол менен 190 млн сомду түзөт.
