Маалыматка ылайык, «Аргымак» Федерациясы жыйын өткөрүп, анын жетекчиси Жумабек Шейшеев өткөн жылдын ишмердүүлүгү боюнча отчетун сунуштады.
Иш-чара учурунда жаштар арасында ат спортуна жана аттарды багууга кызыгуунун төмөндөп бара жатканы белгиленди. Атбегилер жаштарды аттарды багуу маданиятына жана аларга болгон урмат-сыйга тартуу үчүн ат оюндары жана иш-чараларды активдүү уюштуруу зарылдыгын белгилешти.
Жыйындын соңунда жыл ичинде жогорку жетишкендиктерди көрсөткөн атбегилерге грамоталар түрүндөгү сыйлыктар тапшырылды.
«2025-жылдын Кочкор районунун мыкты атбеги» наамы төмөнкү адамдарга ыйгарылды:
- Саманчы Абакиров
- Муратбек Сыдыков
- Жыргал Акунов
- Азамат Тентимишов
- Султан Чубак уулу
- Болот Искедерович Акматбеков
- Бакыт Байдалиев.
