Питчинг-сессиялардын жүрүшүндө бизнесин баштоо же кеңейтүү үчүн арналган кичи гранттарды алуу үчүн катышуучуларды тандоо аяктады.
Тандоо иш-чараларынын натыйжасында Бишкекте 11, Ошто 5 жеңүүчү аныкталды, алардын ар бири өз идеяларын ишке ашыруу же кеңейтүү үчүн зарыл болгон жабдыктар түрүндө гранттык колдоо алат.
Ар бир катышуучу үчүн гранттын көлөмү 200 миңден 350 миң сомго чейин болот. Жалпы алганда, долбоордун учурдагы циклынын алкагында 16 бизнес-инициатива колдоо алат.
«Аракет» долбоору GFA Consulting Group GmbH компаниясы тарабынан ишке ашырылууда жана Кыргызстандагы жаңы курулуштарда жашоо шарттарын жакшыртууга багытталган. Ал Швейцариянын өнүктүрүү жана кызматташтык агенттигинин (SDC) жана Швейцариянын Кыргыз Республикасындагы элчилигинин колдоосу менен ишке ашырылууда.
