Бишкек мэриясынан билдиришкендей, Жибек-Жолу проспектиндеги көпүрөнүн түндүк бөлүгү 10-мартта күндүн экинчи жарымында өтүү үчүн ачылат.
Мурда көпүрөнүн туурасы 9 метрди түзсө, реконструкция учурунда 13 метрге чейин кеңейтилип, өткөрүү жөндөмдүүлүгү жакшыртылды.
Жаман аба ырайынын шарттарына байланыштуу жана шаардыктардын ыңгайлуулугу үчүн көпүрөнүн бир гана жагы ачылат. Транспорттун кыймылы ушул тарапта уюштурулат, ал эми экинчи бөлүктүн толук ачылышы март айынын аягына пландалууда.
Учурда бардык реконструкциялык иш-чараларды аяктоого багытталган иштер жүрүп жатат.
