Келишимдер Египет, Оман, Словения жана Бенилюкс менен түзүлгөн. Бардык документтер 12-мартта үч окууда каралып, кабыл алынды.
Сырткы иштер министринин орун басары Алмаз Имангазиев депутаттарга мыйзам долбоорлорун сунуштап, бул келишимдер дипломатиялык байланыштарды бекемдөөгө жана өлкөлөр ортосундагы расмий сапарларды жеңилдетүүгө көмөктөшөрүн белгиледи.
Жаңы келишимдерге ылайык, Кыргызстан, ошондой эле аталган өлкөлөрдүн дипломатиялык, кызматтык жана атайын паспортторунун ээлери визасыз чек араларды кесип өтө алышат, убактылары 180 күндүн ичинде 90 күндөн ашпашы керек.
