Чет өлкөлөр менен байланыштар боюнча орун басар министр Алмаз Имангазиев документ Бельгия, Нидерланд жана Люксембург менен түзүлгөн келишимди камтыганын билдирип, бул келишимдин алкагында жарактуу дипломатиялык жана кызматтык паспорттордун ээлери визасыз жүрө алат деп айтты.
Келишимдин шарттарына ылайык, мындай дипломаттар Бенилюкс жана Кыргызстан аймагында алты ай ичинде 90 күнгө чейин визасыз болушу мүмкүн.
Мыйзам долбоорунун негиздеме кагазында бул демилге бизнес жана дипломатиялык мобилдүүлүктү жакшыртууга, ошондой эле дипломатиялык жана кызматтык паспорттору бар жарандардын жүрүүсүн жеңилдетүүгө багытталгандыгы белгиленет.
