Ошентсе да, жалпы оорулуулук деңгээли жогору бойдон калууда жана Кыргызстан вирус жугузуучу гепатиттер боюнча жогорку эндемиялык өлкөлөрдүн катарына кирет.
Изилдөөгө 12 661 адам катышып, Дүйнөлүк саламаттык сактоо уюмунун протоколуна ылайык тандоо жүргүзүлгөн.
Изилдөөнүн катышуучулары 0дөн 70 жашка чейинки жана андан улуу адамдар болду. Алардын ичинен 37,6% 29 жашка чейинки жаштар, 44,1% 30дан 59 жашка чейинки чоңдор, 18,3% 60 жаштан улуу адамдарды түздү.
Текшерүүнүн жыйынтыгы боюнча чоңдор арасында 371 вирус жугузуучу гепатит В учурлары аныкталды, ал эми 0дөн 9 жашка чейинки балдардын арасында оң учурлар 0,66% түздү.
Гепатит Внин эң жогорку жайылышы Ош облусунда жана Ош шаарында 4,09% болуп катталса, эң төмөнкү көрсөткүч Талас облусунда 2,13% болду.
Мындан тышкары, 30дан 60 жашка чейинки адамдар арасында гепатит Внин жогорку деңгээли белгиленди. 19 жашка чейинки балдар жана өспүрүмдөр арасында статистика төмөнкү сандарды көрсөтүүдө. Адистер мындай жыйынтыктарды 2001-жылдан бери улуттук эмдөө календарында камтылган гепатит Вга каршы эмдөөнүн натыйжалуулугу менен байланыштырууда.
