Жакынкы Чыгыштагы актуалдуу окуялар талкууланды
ГКНБ академиясында өткөн тегерек столдо Кыргызстандагы терроризм жана экстремизм боюнча оперативдик жана стратегикалык кырдаал каралды. Бул тууралуу атайын кызматтын басма сөз кызматы маалымдады.
Талкууга Антитеррористтик борбордун, Эл аралык терроризм жана диний экстремизмге каршы күрөшүү боюнча Башкы башкармалыктын өкүлдөрү, ошондой эле Чалгындоо жана контрчалгындоо Башкы башкармалыктарынын жана Юридикалык камсыздоо кызматынын адистери, ГКНБнын регионалдык филиалдарынан келген эксперттер катышты.
Тегерек столдун катышуучулары Сирия жана Ирак сыяктуу согуштук конфликттерден кайтып келген репатрианттарды реабилитациялоо жана адаптациялоо механизмдерин, ошондой эле алардын Кыргызстандагы социалдык жашоого интеграциясын талкуулашты.
Жакынкы Чыгыштагы учурдагы окуяларга жана алардын өлкөдөгү диний жана коомдук-саясий кырдаалга тийгизген таасирине өзгөчө көңүл бурулду.
Сүрөт www
