Иш-чара Аалы Осмонов атындагы Улуттук китепканада өтүп, министрликтин өкүлдөрү, борбордук аппаратынын кызматкерлери жана регионалдык мекемелердин өкүлдөрү офлайн жана онлайн форматта чогулушту.
Министрликтин сүрөтү. Бишкекте мамлекеттик тил жөнүндө мыйзамдын талкууланганы
Жыйналыштын учурунда катышуучулар мыйзамдын нормаларын колдонуу, ошондой эле мамлекеттик тилдин ар кандай тармактарда, анын ичинде нормативдик укуктук актыларда, документ жүгүртүүдө, массалык маалымат каражаттарында, телерадиоберүүдө жана маданиятта колдонулушу боюнча маселелерди талкуулашты. Кыргыз тилинин уюмдардын аталыштарында, расмий документтерде, мөрөлөрдө, бланктарда, ошондой эле санариптик мейкиндикте жана кызмат көрсөтүү тармагында болушуна өзгөчө көңүл бурулду.
Маданият, маалымат жана жаштар саясаты министринин орун басары Аскаралы Мадаминов мамлекеттик тилдин өз тармагында киргизилиши тууралуу доклад жасады.
Улуттук комиссиянын төрагасы Мелис Мураталиев «мамлекеттик тилди коргоо эмес, активдүү колдонуу керек» деп баса белгилеп, анын кеңири колдонулушунун келечектеги өнүгүү үчүн маанилүүлүгүнө көңүл бурду.
Жыйындын алкагында мамлекеттик тилге байланыштуу санариптик материалдар да сунушталды, катышуучулар өз суроолорун берүүгө мүмкүнчүлүк алышты.
