Бул жолугушуулар 2023-жылдын 24-мартынан 29-мартына чейин өткөрүлүп, Кыргызстандын укук коргоо органдары менен калк арасында ачык диалог түзүү жана милициянын ишинин ачыктыгын жогорулатуу максатында уюштурулган.
Алгач полковник Жукенов Лейлек районунун жана Сулюкта шаарынын тургундары менен жолугушту. Ал кылмыштуулукту алдын алуу боюнча кабыл алынган чаралар, жергиликтүү милиционерлердин иши жана Ички иштер министрлиги тарабынан берилген колдоо тууралуу маалымат бөлүштү. Ошондой эле, ал курулуп, пайдаланууга берилген жаңы имараттар жана жарандар үчүн жеткиликтүү санариптик кызматтар жөнүндө айтып берди. Бул айылдарда милициянын иши боюнча терс пикирлер айтылган жок.
Кадамжай районунун тургундары менен болгон жолугушууда жолдордогу коопсуздукка байланыштуу маанилүү маселелер талкууланды жана алардын кээ бирлери дароо чечилди.
Кызыл-Кыя шаарында тургундар шаардагы айрым райондорду жарыктандырууну жакшыртуу жана коопсуздукту жогорулатуу үчүн видеокамераларды орнотууну сунушташты.
Баткен шаары жана Баткен районунун тургундары менен болгон талкуулардын жүрүшүндө социалдык маселелер, кибер кылмыштуулук, эмгек мигранттарынын ишмердүүлүгүн жөнгө салуу, аңчыларга байланыштуу маселелер жана, айрыкча, светофорлордун жетишсиздиги тууралуу да сөз болду.
Жалпысынан, Баткен облусунун тургундары менен болгон жолугушууларда милициянын ишине нааразычылык билдирилген жок.
Объектилер
Спутник
⛶
