Шаарбүбү 12 жыл бою иштеген китепканада, демилге жергиликтүү айылдык кенештин депутаттары тарабынан колдоого алынды. Натыйжада, анын мурасчылары китепканага иштөө үчүн зарыл болгон жабдууларды беришти, ал эми 5-январда салтанаттуу азем өттү. Иш-чарага жергиликтүү бийлик, тургундар жана туугандар катышты.
Шаарбүбү Турдумамбетова 1934-жылы Осоавиахим айылында, Ленин атындагы колхоздун курамында (азыркы Чолок-Кайың) төрөлгөн. Ал Ленин атындагы №1 орто мектепти аяктап, 1966-1968-жылдары Кыргыз ССРинин Маданият министрлигине караштуу маданий-просветительдик мекемеде билим алууну уланткан.
1965-1972-жылдары Жеңил колхозунун айылдык кенешинде катчы болуп иштесе, 1972-1984-жылдары Кара-Бургондук китепкананын башкы китепканачысы болуп кызмат кылып, бир мезгилде айылдык кенештин депутаты болуп шайланган.
Шаарбүбү, жолдошу Өскөнбай Ыкласов менен бирге беш баланы тарбиялап, аларга жакшы билим жана тарбия беришкен. Ал 2002-жылы 68 жашында дүйнөдөн өткөн.
