Маалыматка караганда, 12-январда Ноокат шаарында борбордук көчөлөрдү тартипке келтирүү жана унаа тыгындарын азайтууга багытталган операция өткөрүлгөн.
Иш-чарага Ноокат шаарынын мэри Аскарали Абдибаев, РОВДнын начальниги Жуманазар Орозбаев, ошондой эле жол кыймылынын коопсуздук кызматынын кызматкерлери жана башка мамлекеттик уюмдардын өкүлдөрү катышты.
Өткөн иштин натыйжасында, мурда шаар борбору аркылуу жүргөн маршруттук рейстер эми автобекеттен жөнөтүлөт. Ошондой эле, жөө адамдар жолго чыга турган жерлерде металл тосмолорду орнотуу жана стихиялуу сооданы тартипке келтирүү боюнча көрсөтмөлөр берилди.
Мындан тышкары, жарандар менен жөө адамдар үчүн атайын бөлүнгөн жерлерден гана жолду өтүү зарылдыгы боюнча түшүндүрүү иши жүргүзүлдү.
