2025-жылы «Сосновка» жана «Кара-Кол» өткөрүү пункттарында 300 млн 266 миң 484 сомдук каражат QR-коддорду колдонуу менен акчасыз төлөм системасы аркылуу киргизилгени катталды. Бул өткөн жылга салыштырганда 35,48% га өсүштү билдирет, деп билдирет Кыргыз Республикасынын Транспорт министрлиги.
Транспорт жана байланыш министри Абсаттар Сыргабаев мурда «Өндүрүш-инновациялык борбор» мамлекеттик мекемесинин жетекчилигине аталган өткөрүү пункттарында акчасыз төлөмдү киргизүүнү тапшырган. Бул чечим кызмат көрсөтүүнүн сапатын жакшыртуу, адам факторун минималдаштыруу жана коррупциялык коркунучтарды азайтуу үчүн кабыл алынган. Натыйжада айдоочулар үчүн акчалай төлөмдөр жоюлду.
Учурда жарандар жол киресин QR-коддор, орнотулган терминалдар, ошондой эле электрондук капчыктар жана мобилдик колдонмолор аркылуу ыңгайлуу жолдор менен төлөй алышат.
Бул системаны киргизүү менен «Өндүрүш-инновациялык борбордун» кызматкерлери тарабынан, көзөмөл пункттарындагы персоналдын саны этап-этабы менен оптималдаштырылды.
Мындан тышкары, «Сосновка» жана «Кара-Кол» өткөрүү пункттарында транспорт тыгындарын азайтуу үчүн жол тилкелери кеңейтилип, эки жаңы жол тилкеси кошулду, алар азыркы учурда пайдаланууга берилди», - деп белгилешти ведомстводон.
