Текшерүү процессинде мэр жооптуу структураларга шашылыш көрсөтмөлөрдү берди, карды тез жана сапаттуу тазалоонун маанисине көңүл бурду.
«Бишкектин тургундары жана коноктору үчүн таза жана коопсуз шарттарды түзүү зарыл. Бардык кызматтар биргелешип жана кечикпестен иштеши керек», — деп белгиледи ал.
Муниципалдык ишкана «Тазалык» күчөтүлгөн режимде иштеп жатат. Эртең мененки сааттан тарта шаардагы көчөлөрдө атайын техника активдүү колдонулуп, карды тазалоо жана музга каршы материалдарды чачуу иштери 24 саат бою жүргүзүлүүдө.
Шарды тазалоо үчүн 51 даана МАЗ техникасы, 4 HOWO унаасы, 3 фронталь жүктөгүч, 34 «Беларус» трактору, 5 Bobcat, 5 УКМ жана 3 лапа жүктөгүч тартылган.
Коммуналдык кызматтардын иштери аба ырайына жараша уланууда. Шаардыктарды жана конокторду жолдордо этият болууга жана жүргүзүлүп жаткан иштерге түшүнүү менен мамиле кылууга чакырышат.
