Иш-чарада шаар мэри Элдос Таев, шаардык кеңештин төрагасы, ошондой эле бир катар муниципалдык кызматтардын жана мекемелердин жетекчилери катышты.
Жыйындын жүрүшүндө негизги көңүл социалдык-тұрмыстық маселелерге, тургундарды кызыктырган маселелерге жана кварталдардын учурдагы абалына, келечектеги иштерге бөлүндү. Жолдордун абалы, инфраструктура, таза ичүүчү суу менен камсыздоо, көчө жарыгы, таштанды чыгаруу, ирригациялык каналдар, ошондой эле коомдук тартип жана санитардык тазалык маселелери талкууланды.
Элдос Таев 2025-жылы аткарылган иштер тууралуу айтып, 2026-жылга пландалган долбоорлорду сунуштап, приоритеттүү багыттарга көңүл бурду. Ар бир каралган маселе боюнча тиешелүү кызматтардын жетекчилерине так көрсөтмөлөр берилди, аткаруу мөөнөттөрү белгиленди.
Тургундар тарабынан айтылган бардык сунуштар жана пикирлер протоколго жазылып, көзөмөлгө алынды. Мэрия бир катар маселелерди дароо чечүүгө убада берди, ал эми татаал маселелер этап-этабы менен чечилет.
Жыйын ачык диалог форматында өтүп, тургундар жергиликтүү бийлик өкүлдөрүнө суроолорду берүү жана жооп алуу мүмкүнчүлүгүнө ээ болушту.
