Бул маалыматты Чүй облусунун Ички иштер башкармалыгынын (ИИБ) Жол кыймылынын коопсуздугу боюнча башкармалыгынын басма сөз кызматы Turmush агенттигине билдирди.
«Суусамыр өрөөнүнүн 131–132 км жеринде температура -38 градуска жетти. Мындай шарттарда инспекторлор жолдо коопсуздукту камсыз кылып, көрсөтүлгөн участкаларда иш алып барышууда», — деп айтылат билдирүүдө.
16-январдан 17-январга караган түнү катуу суук айрым транспорт каражаттарынын ишке киришинде көйгөйлөрдү жаратса, башкалардын шинасы жарылып, алар трассада токтоп калды. Инспекторлор бул унаалардын айдоочуларына зарыл жардам көрсөтүштү.
Абанын шарттарынын кескин начарлашына байланыштуу, кызмат айдоочуларга узак сапарларда этият болууну эскертет. Жол кыймылынын эрежелерин сактоону жана жагымсыз кырдаалдардан качууну сунушташты», — деп кошумчалашты ведомстводон.
17-январга карата, башкармалыктын маалыматына ылайык, саат 10:30да Суусамыр өрөөнүндө жана Төө-Ашуу ашуусунда температура -41ден -45 градуска чейин өзгөрүп турат.
