Бишкекте киберкоопсуздук маселелерине, анын ичинде уюштуруу-укуктук аспекттерге, эл аралык жана улуттук деңгээлдеги стандарттарга, ошондой эле актуалдуу коркунучтарды, чакырыктарды жана алардын Борбордук Азия мамлекеттеринин коопсуздугуна тийгизген таасирин аныктоого арналган эл аралык илимий-практикалык конференция өтүүдө.
Бул иш-чаранын негизги максаты — региондогу киберкоопсуздук деңгээлин жогорулатуу, технологиялардын тез өнүгүү шартында пайда болгон коркунучтарга каршы биргелешип стратегияларды түзүү жана баалуу тажрыйба менен алмашуу.
Конференцияга Казакстан, Өзбекстан, Тажикстан, Россия жана Кыргызстандан келген илимпоздор, ошондой эле мамлекеттик жана укук коргоо структураларынын өкүлдөрү катышууда. Алар өз изилдөөлөрүн сунуштап, өлкөлөрүндөгү киберкоопсуздук боюнча учурдагы демилгелер тууралуу маалымат бөлүшүшүүдө.
Форумдун катышуучуларынын арасында президенттин администрациясынын, ар кандай министрликтердин жана ведомстволордун, укук коргоо жана салык органдарынын өкүлдөрү, ошондой эле коомдук жана эл аралык уюмдардын, изилдөө борборлорунун эксперттери жана чет өлкөлүк адистер бар.
