Форумдун негизги максаты улуттук руханий баалуулуктарды сактоо жана өнүктүрүү, чыгармачылык жана илимий демилгелерди колдоо, ошондой эле коомдун интеллектуалдык ресурстарын бириктирүү болуп саналат. Мындан тышкары, форум Кыргызстандын эл аралык маданий жана илимий чөйрөдөгү позицияларын бекемдөөгө багытталган.
«Форум бир нече этапта өтөт. Биринчи этап, райондук деңгээлдерди камтыган, 2-февралдан 13-февралга чейин өтөт. Андан кийин, 16-февралдан 27-февралга чейин, экинчи этап шаардык жана облустук деңгээлдерде өтөт. Үчүнчү этап, чыгармачылык союздар жана илимий уюмдар деңгэлдеринде өтө турган, 2-марттан 13-мартка чейин пландалууда. Жыйынтыктоочу, төртүнчү этап республикалык деңгээлде 24 жана 25-мартта өтөт. Иш-чарага чыгармачылык союздардын өкүлдөрү, илимпоздор, изилдөөчүлөр, маданият жана билим берүү тармагындагы адистер, коомдук ишмерлер жана жаш интеллектуалдар катышат», — деп айтылат билдирүүдө.
