Форумдун негизги максаты улуттук руханий баалуулуктарды сактоо жана өнүктүрүү, илимий жана чыгармачыл потенциалды колдоо, ошондой эле коомдун интеллектуалдык ресурстарын бириктирүү аркылуу Кыргызстандын эл аралык маданий жана илимий аренадагы позицияларын чыңдоо болуп саналат.
Форум бир нече этапта уюштурулат:
- Биринчи этап 2-февралдан 13-февралга чейин райондордун деңгээлинде өтөт;
- Экинчи этап 16-февралдан 27-февралга чейин шаардык жана облустук деңгээлде болот;
- Үчүнчү этап чыгармачыл союздарды жана илимий мекемелерди камтып, 2-марттан 13-мартка чейин пландалууда;
- Жыйынтыктоочу, төртүнчү этап республикалык деңгээлде 24 жана 25-мартта өтөт.
Иш-чарага ар түрдүү чыгармачыл союздардын адистери, илимпоздор, изилдөөчүлөр, маданият жана билим берүү тармагындагы өкүлдөр, коомдук активисттер, ошондой эле жаш интеллигенция өкүлдөрү катышат.
