Кара-Кульджа районунда укук коргоо органдары Кыргызстандын Кызыл китебине кирген беркуттун мыйзамсыз кармалып турган фактын аныкташты. Бул маалыматты Табият министрлигинин басма сөз кызматы жарыялады. Бул мыйзам бузуучу иш үчүн жаран 20 миң сомго айып пулга тартылды, ал эми куш өзүнүн табигый жашоо чөйрөсүнө кайтарылды.
27-январда Ош облустук экологиялык жана техникалык көзөмөл кызматына жергиликтүү тургундардын бири беркутту мыйзамсыз кармап турганы тууралуу маалымат келип түштү. Инспекторлор NABU жана Барс-2 тобу менен кызматташып, текшерүү жүргүзүп, мыйзам бузуучунун жеке башын аныкташты.
Текшерүүнүн жыйынтыгында мыйзам бузуучуга 262-1-беренеге ылайык протокол түзүлүп, айып пул салынды. Ал адамда болгон беркут адистер тарабынан табиятка чыгарылды.
