Бул сапардын алкагында премьер-министр Дүйнөлүк өкмөттөр саммитинин (World Governments Summit) ачылышына катышты.
Саммит учурунда «Кыргызстандын экономикалык өсүү модели «Кар бөрү»: Өкмөттүк акселераторлор, институттар жана инвестициялар» аттуу биринчи жолу өткөн сайд-ивент да болду.
Мындан тышкары, Касымалиев бир катар маанилүү эки тараптуу жолугушууларды өткөрдү. Ал БАЭнин вице-президенти шейх Мансур бин Заед Аль-Нахайя менен, ички иштер министри Сейф бин Заед Аль-Нахайя менен, Абу-Даби өнүктүрүү фондуна жетекчилик кылган Мохаммед Сейф Аль-Сувейди менен, Emirates Investment Authorityнын аткаруучу директору Мохаммед Хамад Аль-Мехайр менен, энергетика министри Сухейл Аль-Мазруи менен жана Masdar компаниясынын жетекчиси Мохаммед Жамиль Аль-Рамахи менен жолугушту.
Саммитте Касымалиев «Достук» орденин Дүйнөлүк өкмөттөр саммити төрагасы Мохаммед Абдулле Аль-Гергавиге президент Садыр Жапаровдун атынан тапшырды. Бул сыйлык Кыргызстан менен БАЭнин ортосундагы достук жана кызматташтыкты өнүктүрүүгө кошкон маанилүү салымы үчүн, ошондой эле Кыргызстанда «Өкмөттүк акселераторлор» программасын ийгиликтүү ишке ашырганы үчүн берилди.
Сапарынын жүрүшүндө премьер-министр Epos Water Production LLC заводун да зыярат кылды, ал бөтөлкөдө суу өндүрүү менен алектенет жана Кыргызстандын жарандар тарабынан негизделген.
Мындан тышкары, Адылбек Касымалиев БАЭнин мамлекеттик жаңылыктар агенттигине Emirates News (WAM) интервью берди.
