Ал бардык жарандарды Ата Мекенди коргоочулардын күнү менен куттуктап, акыркы беш жылда министрликке 652 бирдик автоунаа жана атайын техника тапшырылганын, анын жалпы суммасы 7 миллиард сомду түзөрүн белгиледи. Касымалиевдин сөзүнө караганда, 116 бирдиктен турган жаңы партиянын тапшырылышы өлкөнүн көз карандысыздыгынын тарыхында модернизация процесси үчүн эң маанилүү кадамдардын бири болуп саналат.
Өкмөт башчысы 2025-жылы МЧСтин бюджети 5,5 миллиард сомдон ашарын белгиледи. Бул жылы авариялык калыбына келтирүү иштерине, инфраструктуралык долбоорлорго, аэродромдорду модернизациялоого, метеостанцияларды курууга жана стратегиялык объекттерди түзүүгө, ошондой эле өзгөчө шарттардагы чек ара аймактарын өнүктүрүүгө кошумча финансылык каражаттар бөлүнгөн.
Иш-чаранын аягында өкмөт башчысы Өзгөчө кырдаалдар министрлигинин кызматкерлерине өзгөчө кырдаалдарды алдын алуу жана жоюу боюнча ар тараптуу эмгектери үчүн ыраазычылык билдирди. Ал аларга ден соолук, үй-бүлөлүк бактылуулук жана ийгиликтүү кесиптик ишмердүүлүк каалап, андан соң жаңы техниканын ачкычтарын Өзгөчө кырдаалдар министри Урматбек Шамыркановго тапшырды.
