Жанибековдун айтымында, учурдагы көпүрө 50 жыл мурун курулган жана анын эксплуатация мөөнөтү өтүп кеткен. Мындан тышкары, Камбаратин ГЭСин куруу долбоорунун ишке ашырылышына байланыштуу көпүрөгө жүк ташуучу транспорттун жүктөмү көбөйөт.
Комитет Кыргызстан менен Япониянын өкмөтү ортосундагы грант тууралуу келишимди ратификациялоону колдоду. Бул жумада документ парламенттин кароосуна коюлат деп күтүлүүдө.
Долбоор JICA тарабынан Транскаспий эл аралык транспорт маршруту боюнча транспорттук байланыштарды жакшыртуу максатында колдоого алынууда.
